Ата-аналар назарына!
Көктемгі демалыс – балалар үшін қуанышты уақыт. Алайда олардың қауіпсіздігін қамтамасыз ету – басты міндетіміз. Сондықтан сіздерге төмендегі қауіпсіздік шараларын ұсынамыз:
Су қауіпсіздігі
• Балалардың су айдындарына, еріп жатқан мұзға жақындауына жол бермеңіз.
• Су тасқыны кезінде олардың сыртта ойнауын қадағалаңыз.
Жол қауіпсіздігі
• Балаларға жолда жүру ережелерін түсіндіріңіз.
• Оларды жалғыз өзі көшеге, жол бойына жібермеңіз.
Өрт қауіпсіздігі
• Баланың сіріңке, оттық, электр құралдарын пайдалануын бақылаңыз.
• Пеш, газ, тұрмыстық электр құралдарына жақын ойнамауын ескертіңіз.
Үйдегі қауіпсіздік
• Балаларға бөтен адамдарға есік ашпау керектігін үйретіңіз.
• Интернеттегі қауіпсіздік ережелерін қадағалаңыз.
Серуендеу және табиғаттағы қауіпсіздік
• Балалардың қараусыз қалмауын қадағалаңыз.
• Оларды қауіпті жерлерге (құрылыс алаңы, су қоймасы, қараусыз қалған ғимараттар) жібермеңіз.
Балаларымыздың амандығы – өз қолымызда!