Механикалық қозғалыс

Физика – табиғат құбылыстарын зерттеуді, бақылауды және оның заңдылықтарын оқытады. Физика – ол табиғат, табиғаттың өзі қозғалыс, даму, өзгеріс. Өзгеріс – ол өмір. Физиканы түсіну, ол – өмірді түсіну, айналада болып жатқан құбылыстардың себебін білу. Сондықтан физиканы бүгінгі өмірімізбен байланыстырып, оларға оқушының білуге құштарлығын арттыратын ақпараттарды қабылдау құралдарын ұсынуымыз керек.  Бүгінгі сабақта 7”ә” сынып оқушылары топпен жұмыс жасап, тиын мен шарикті лақтыру арқылы олардың биіктіктен құлау уақытын табу тәжірибесін өткізді. Әр топ нәтижелерімен бөлісіп, сұрақтарға жауап беру арқылы пікірлерімен алмасты. Сонымен қатар, қозғалыс, жылдамдық, күштің арасындағы байланысты талқылады. 
Пән мұғалімі: Мустахова Бердігүл.