Текст
Мектепті бітіру және білім туралы куәлік алу – өмірдегі ең маңызды қадамдардың бірі. Мектебіміздің кезекті түлектеріне салтанатты түрде аттестат табысталып, тәуелсіз, ересек өмірге шығарып салдық.
Түлектеріміз өздеріне білім берген ұстаздарына алғыс сезімдерін білдіріп, ұстаздардың, кентіміздің құрметті адамдарының бата-тілектерін тыңдады.
Биік армандар мен үлкен мақсаттарға толы ақылды да қайратты 6 түлегіміз бүгін үлкен өмірге алғашқы қадамдарын баспақ. Барша мектеп бітіруші оқушыларға ақ жол мен сәт сапар тілейміз! Алдағы емтихандарыңызды жақсы тапсырыңыздар! Өмірлік жолдарыңызда мектептен алған біліміңіз бен тәрбиеңіз, бойыңызға сіңірген құндылықтарыңыз мәңгілікке серіктеріңіз болсын!