Ерлік мәңгі ұмытылмайды!

Тақырыбы: Ерлік мәңгі ұмытылмайды!  

Мақсаты:

Балаларға адамгершілікке, отанын сүюге, оны қорғауға баулу. Отанға деген

сүйіспеншілігін арттыру. Оларға патриоттық тәрбие беру. Балаларды Ұлы Отан

соғысымен, қазақстандықтардың ерлік істерімен таныстырып, ой - өрісін дамыту.

Балаларды үлкен адамдарды сыйлай білуге, оларды қадірлеуге тәрбиелеу.

Көрнекілігі:

Ұлы Отан соғысы туралы кітаптар, ,батырлардың суреттері, Ұлы Отан соғыс

кезіндегі техникалар.Слайд

Өтілу

барысы: Музыка ойнап тұрады.

«Әнұран»

Мұғалім:

Тарих кеші үнемі жаңаланып отырады. Десе де ұмытылмайтын, ескермейтін

тарихи оқиғалар болады. Соның бәрі әлемді дүр сілкіндірген екінші дүниежүзілік

соғыстың қасіреті мен Ұлы Жеңістің қасиетің батыр ағаларымыз бен апаларымыздың

ерлігін ешкім де ешқашан ұмытпақ емес.

Әлемді дүр сілкіндірген оқиға 1941жылы маусымның 22 - де болған еді. Бірақ

сол кездегі Кеңес елінің бірлігі мен достығының арқасында 1945 жылы 9 - мамырда

бұға Ұлы Жеңіспен аяқталды. Міне, содан бері 72 жыл өтті. Биыл Ұлы Жеңістің 72 жылдығы.

Слайд тыңдау: Тыңдаңыздар,

тыңдаңыздар! 1941 жылы 22 - маусымда таң шапағы жаңа ғана арайланып келе жатқан

кезде елімізге қауіп төнді. Халқымыз адам айтқысыз қиын - қыстау кезеңге душар

болды. Фашистік Германия елімізге опасыздықпен басып кірді.

Олжас:  

 Соғыстың алғашқы күндерінен

бастап - ақ Кеңес халқы жан тәнімен Отанын қорғады. Әрбір ауыл, әрбір қала үшін

кескілескен ұрыс болды. Қанішер неміс басқыншыларымен Кеңес азаматтары аянбай

шайқасты.

Жұлдыз: Соғыс

жалмап аға - іні бауырды,

Зар жылатты

тыныш жатқан ауылды.

Жалғызынан

айырыпты ананы,

Әкесінен

айырыпты баланы.

Мұқағали

Мақатаев:  «Соғыстың соңғы көктемі»

 Ақерке :

Осы соғыста Кеңес одағының басқа республикаларымен бірге біздің Қазақстан

Республикасы да жан аямай шайқасты. Даңқты қарулы күштердің және еңбек

армиясының құрамында 1 млн 870 мың қазақстандықтар болған.

Ат ауыздығымен су ішкен, ер етегімен су кешкен сұрапыл соғыста ерлермен

бірге қолдарына қару алып, Отанын қорғауға біздің батыр апаларымыз Шығыс

жұлдыздары Әлия Молдағұлова мен Мәншүк Маметова ерлік көрсетіп, батырлықпен

қаза тапты.

- Иә, кеудесін оққа төсеген қазақтың қарапайым қызы Мәншүк қас дұшпанынан

елін қорғаған еді.

Момышұлы Бауыржан (1910 - 1982) – екінші дүниежүзілік соғыстың даңқты

жауынгері, халық қаһарманы, қазақтың көрнекті жазушысы. Туған жері - Жамбыл

облысының Жуалы ауданындағы Көлбастау мекені.

Бауыржан жеті жылдық мектепті бітіргеннен кейін біраз уақыт мұғалім болған.

Сонда жүргенде кезекті әскери міндетін өтеуге шақырылып, онда бір жарым жыл

жүріп, запастағы командир атағын алады. Туған ауылына қайтып оралған соң, ол

біраз жыл қаржы мекемесінде қызмет істейді. Содан қайтадан Қызыл Армия қатарына

шақырылып, түрлі әскери бөлімдерде взвод, рота, командирі болады.

Қарашаш:

Әлияны бұл күнде

Барлық бала біледі

Әлия атты көңілде

Әпкеміз деп жүреді.

Аты аңыз, жыр қылып,

Елдің батыр түлегі.

Әр жүректе

тұр күліп,

Әлия атты

батыр қыз.

Шынар:

Мәншүк апай

батыр қыз

Ардақтаймыз

атын біз!

Ұқсап Мәншүк

апайға

Өсіп келе

жатырмыз!

Санжар:

Қайтпаған жауыннан

Қаһарман Бауыржан

Қан ішер фашисті

Қырды ол мыңдаған.

Ерлігі әрқашан

Есімде сақталады

Ұрпағы

ұмытпайды.

Өмірінен

үлгі алады.

- Иә,

сұрапыл соғыс ешкімді аямады. Ана жарынан айырылды, бала әкесінен айырылды.

Бірақ үміт оты еш өшкен жоқ. Бала әкесін күте берді, күте берді.

Олжас:

Жеңіс келді далама,

Жеңіс келді қалама,

Жеңіс келді әке боп

Елдегі көп балаға.

Дүние жүзі халқы бостандық алды. Халық Отан ұғымың терең сезіне түсті.

Қаһарман ерлік пен еңбек жеңіп шықты. Зұлымдық, басқыншылық тізе бүкті. Бірлік, ерлік, халықтар достығы

нығая түсті.

Айғаным:

Арылтып

жаудан жерінді

Табанға

жаншып өлімді

Жеңіспен

желпіп өмірді

Оралды ерлер

көңілді

Десеңдер бұл

қай күні

Тоғызыншы

мамыр күні!

Ақжол:

Жеңіс келді ән болып,

Келді ауылға сән көрік

Жеңіс келді алақай,

Ұмытылмас мәңгілік.

Жүйрік озар

әйгілі

Күні бүгін

бәйгенің

Ура, Ура

балалар!

Тоғызыншы

май бүгін.

Ұлы Отан

соғысына қатысқан: Бауыржан Момышұлы, Мәншүк Маметова, Әлия Молдағұлова, Мәлік

Ғабдуллин, Талғат Бигелдинов т. б. Жолымбет кентінен шыққан соғыс

ардагерлерін атау:

Ол кісілерге құрметпен бас иеміз. Ал осы бейбіт өмірге жете алмаған,

ерлікпен қаза тапқан ағаларымыз бен апаларымыздың рухына бас иіп, еске алайық. 1 минут еске алу. (әуен ойнайды.)

  Арман:

      Ел алдындағы борыштарын өтеп,

еліміздің амандығын, жеріміздің тұтастығын қорғап қалған ерлерге тағзым етеміз.

Олар еліміздің жарқын болашағын, жас ұрпақтың өмірін, халықтың бақыты мен

қуанышын сақтап қалды. Ардагерлер ерліктері арқасында біз осы күнге жеттік.

Біздің өз қалауымызбен еркін өмір сүріп, мектепте алаңсыз білім алып

жатқанымыз, шаттана күлгеніміз, жайраңдап күлгеніміз - бәрі де сол Ұлы Отан

соғысы Жеңісінің жемісі. Әрине, соғыс болмасын! Біздер соғысқа қатысып батыр

болмайық. Біз бейбіт күннің батырлары болуға тырысайық. Ел үшін аянбай еңбек

етіп, білім алып, өз жеріміздің патриоттары болуға мүмкіндіктер бар.

Оқушылар

әдебиет сабағында жазған «Ел қорғау борышым» тақырыбындағы шығармаларын оқу

Аймөлдір:

Шекарада солдат тұр.

Ел бақытын қорғап тұр.

Көңілденсін ағалар,

Амандық хат жолдап тұр.

Ән: «Атамекен»

Мұғалім:  Осымен Ұлы Жеңістің 72

жылдығына арналған «Ерлік мәңгі ұмытылмайды!» атты тәрбие сағатымыз аяқталды.